Peter Obi ya ziyarci Obasanjo a Legas don tattauna al’amuran kasa [Hotuna]

Peter Obi, wanda ya kasance ɗan takarar shugaban ƙasa na jam’iyyar Labour Party a zaben 2023, ya ziyarci tsohon shugaban ƙasa Olusegun Obasanjo a Legas don tattauna muhimman al’amuran kasa.

A cikin wata sanarwa da ya fitar ta shafinsa na sada zumunta a ranar Juma’a, Obi ya bayyana godiya ga damar da ya samu na tattauna da Obasanjo game da al’amuran da suka shafi ci gaban Najeriya.

“Jiya na tafi daga Abuja zuwa Legas don ganawa da wani jagora, tsohon shugaban ƙasan Najeriya, Mai girma, Olusegun Obasanjo, domin mika gaisuwar Sabuwar Shekara da kuma tattauna batutuwan da suka shafi al’amuran kasa,” in ji Obi.

Ziyarar ta biyo bayan ganawarsa da tsohon shugaban soja, Janar Ibrahim Babangida a Jihar Neja da kuma tsohon shugaban ƙasa Goodluck Jonathan a Abuja.

Advertisement