Noman gyada ya na bunƙasa a Najeriya

Wata kiddidga ta nuna gyadar da kasar nan ke samarwa ta karu zuwa sama da tan miliyan 5 a shekarar 2024, daga tan miliyan 4.8 a 2021.

Wannan ma kunshe ne cikin rahoton bukumar kididdiga ta kasa NBS.

Muhimmanci gyadar wajen samar da mai, cakulan, man gyada, da sauran kayayyakin abinci yasa take cigaba da samu tagomashi a kasuwannin duniya.

Kuma hakan ya haifar da ƙarin buƙatarta a cikin gida da wajen ƙasar nan, musamman kasashen da Turai da wasu ƙasashen Asiya irinsu Japan.

Duk da rushewar Dalar gyada a baya, masana sun ce Najeriya tana samar da gyadar a yanzu fiye da wancan lokaci.

Advertisement

Jihohin da suka fi noma gyadar sun haɗa da Kano, Neja, da Kaduna, Benue, Zamfara, Taraba, Bauchi, Borno, Katsina, Nasarawa . Duk da haka, matsaloli irin su rashin daidaiton manufofin gwamnati, tsadar noma, da ci rani na kawo cikas, amma bincike da ingantattun hanyoyin noma suna haɓaka inganci da yawan amfanin gona da ake samu

Masana sun jaddada cewa ƙarin tallafin gwamnati da zuba jari a wuraren sarrafawa da adana gyadar na da matukar muhimmanci domin samun nasarar cigaba sa bunkasa fannin.

Hakazalika binciken ya tabbatar da cewa bukatar gyadar a cikin gida ma tana ƙaruwa saboda karuwar yawan jama’ar da sauye-sauyen zamani.