Kungiyar hadin kan matasa na Arewa, reshen Jihar Taraba, ta yi zargi cewa kudirorin dokar gyaran haraji da gwamnatin Shugaba Bola Tinubu ta gabatar an tsara shi ne da gangan don cigaban kudanci ta hanyar tauye Arewa.
Matasa daga yankin Arewa, suna kukan matsin tattalin arziki a kasar, tare da bayyana cewa tasirin wadannan manufofi ya fi tsananta a yankinsu.
Baya ga dokar gyaran haraji, kungiyar ta kuma yi Allah wadai da rufe iyakokin kasa da gwamnatin tarayya ta yi, tana zargin cewa wannan manufa ta fi amfani ga Kudanci fiye da Arewa.
Wannann a kunshe a sanarwar da shugaban kungiyar, Kwamared Idris Ayuba, ya rattaba wa hannu a ranar Asabar a Jalingo.
Sanarwar ta bayyana cewa mafi yawan matsalolin da Arewa ke fuskanta sakamakon manufofin gwamnati ne, tare da buga misali da cire tallafin mai, rufe iyakokin kasa, da kuma sabuwar dokar haraji.
Ayuba ya yi karin bayani cewa rufe iyakokin ya haifar da rashin daidaito a rarraba damammakin tattalin arziki, inda yankin Kudancin Najeriya ya fi samun damar yin amfani da tashoshin jiragen ruwa da hanyoyin cinikayya na kasa da kasa.
Kungiyar ta yi suka kan sabbin gyaran haraji, musamman tsarin rarraba kudaden shiga, tana cewa hakan zai fi shafar Arewacin Najeriya ba tare da adalci ba.
A cewar kungiyar, Arewacin Najeriya na fama da manyan kalubale na ci gaba, ciki har da talauci, gibin kayan more rayuwa, da karancin samun damar ilimi da kiwon lafiya. Ragewa yankin kudaden shiga zai kara dagula wadannan matsaloli.
Kungiyar ta yi gargadi cewa wadannan gyare-gyaren za su kara tazarar tattalin arziki tsakanin yankin Arewa da Kudancin Najeriya.
Kungiyar hadin kan matasa na Arewa, reshen Jihar Taraba, ta yi zargi cewa kudirorin dokar gyaran haraji da gwamnatin Shugaba Bola Tinubu ta gabatar an tsara shi ne da gangan don cigaban kudanci ta hanyar tauye Arewa.
Matasa daga yankin Arewa, suna kukan matsin tattalin arziki a kasar, tare da bayyana cewa tasirin wadannan manufofi ya fi tsananta a yankinsu.
Baya ga dokar gyaran haraji, kungiyar ta kuma yi Allah wadai da rufe iyakokin kasa da gwamnatin tarayya ta yi, tana zargin cewa wannan manufa ta fi amfani ga Kudanci fiye da Arewa.
Wannann a kunshe a sanarwar da shugaban kungiyar, Kwamared Idris Ayuba, ya rattaba wa hannu a ranar Asabar a Jalingo.
Sanarwar ta bayyana cewa mafi yawan matsalolin da Arewa ke fuskanta sakamakon manufofin gwamnati ne, tare da buga misali da cire tallafin mai, rufe iyakokin kasa, da kuma sabuwar dokar haraji.
Ayuba ya yi karin bayani cewa rufe iyakokin ya haifar da rashin daidaito a rarraba damammakin tattalin arziki, inda yankin Kudancin Najeriya ya fi samun damar yin amfani da tashoshin jiragen ruwa da hanyoyin cinikayya na kasa da kasa.
Kungiyar ta yi suka kan sabbin gyaran haraji, musamman tsarin rarraba kudaden shiga, tana cewa hakan zai fi shafar Arewacin Najeriya ba tare da adalci ba.
A cewar kungiyar, Arewacin Najeriya na fama da manyan kalubale na ci gaba, ciki har da talauci, gibin kayan more rayuwa, da karancin samun damar ilimi da kiwon lafiya. Ragewa yankin kudaden shiga zai kara dagula wadannan matsaloli.
Kungiyar ta yi gargadi cewa wadannan gyare-gyaren za su kara tazarar tattalin arziki tsakanin yankin Arewa da Kudancin Najeriya.
Share your story or advertise with us: Whatsapp: +2347068606071 Email: info@newspotng.com
