Amurka ta sanar da sabon tsarin biza ga ƴan Najeriya

Ofishin jakadancin Amurka a Najeriya ya sake nazarin tsarin biza ga masu neman shiga kasar daga ranar 1 ga Janairu, 2025.

A cewar ofishin, masu nema da aka shirya ganawa da su a ofishin da ke Lagos, zasu je sau biyu a yayin neman biza.

Ofishin ya sanar da umarnin a shafin sa na X ranar Talata.

An rubuta, “Ga masu nema da aka shirya musu ganawa bayan 1 ga Janairu, 2025, za ku kasance dole ne ku ziyarci ofishin Jakadancin Amurka da ke Lagos sau biyu a lokacin tsarin biza na shige da fice.

Sanarwar tace “Wannan sabon tsari yana nufin taimakawa wajen shirya wa ganawar neman bisa ɗinku da kuma hana jinkirin aiwatar da bizar.”

Advertisement

ƙarin bayani a shafin yanar gizon ofishin jakadancin ya nuna cewa ziyarar farko zuwa ofishin Jakadancin a Lagos za ta kasance domin “Bitar Takardu” tare da ma’aikacin ofishin jakadanci, wanda zai tabbatar da cewa masu nema sun shirya don ganawar biza.

“Ziyarar ta biyu, a daya bangaren, za ta kasance tare da jami’in Jakadancin.

A watan Yuli na 2024, Ofishin ya sanar da wani sabon kamfani da zai kula da ayyukan bayar da biza a ofishin jakadancin Amurkan na Abuja da Lagos.